Mahirap magbago kung di mo alam
kung saan ang mali mo.
Mahirap magkamali kung sinasabing
kailangan mong magbago.
Mahirap sakyan ang mundo
kung dati-rati'y nagkakasundo kayo.
Mahirap makipagkasundo sa mundo
kung lahat ay nakadepende sa pag-inog nito.
Mahirap magkamali
kung dati-rati'y nagkakasundo kayo.
Mahirap sakyan ang mundo
kung lahat ay nakadepende sa 'yo.
Mahirap paulit-ulitin ang mga linya
sa tulang ito
lalo't huwad na musika
ang inaawit mo.
No comments:
Post a Comment